Azərbaycan News Agency

Ukrayna Prezidenti Volodimir Zelenski iki ölkə arasında, xüsusilə müdafiə və enerji sahələrində imzalanmış əməkdaşlıq sazişləri barədə danışıb.

Azərbaycanla diplomatik münasibətlərin dərinliyini vurğulayan Zelenski bildirib: “Bu, Azərbaycana ilk səfərimiz və dörd ildən çox müddətdə yeddinci görüşümüzdür. Münasibətlərimiz çox yüksək səviyyədədir və əsas olan onların qarşılıqlı hörmət üzərində qurulmasıdır”.

Səfər zamanı imzalanan sənədlərə və prioritet əməkdaşlıq sahələrinə toxunan Zelenski qeyd edib: “Bu gün Ukrayna və Azərbaycan müxtəlif sahələrdə 6 sənəd imzaladı. Əsas məqam müdafiə sənayesi kompleksidir – əməkdaşlığımızı inkişaf etdirəcək və gücləndirəcəyik”.

Zelenski əlavə edib: “Həmçinin enerji təşəbbüslərinin davam etdirilməsi və yenilərinin başlanması məsələlərini də müzakirə etdik”.