Azərbaycan News Agency

Prezident Zelenski bildirib ki, Rusiyaya qarşı tətbiq edilən sanksiyalar və digər məhdudlaşdırıcı tədbirlər mövzusunda tərəfdaşları ilə birlikdə iclas keçirib və konkret qərarlar üzərində razılıq əldə olunub.

“Ukraynanın sanksiyaları ilə tərəfdaşlarımızın sanksiyaları tam şəkildə uyğunlaşdırılmalıdır. Avropa İttifaqının və digər qlobal aktorların sanksiya paketləri Ukraynanın milli sanksiya qərarları ilə tam uzlaşmalıdır,” – deyə Zelenski bildirib.

Zelenski Rusiyanın tanker donanmasına qarşı təzyiq siyasətini davam etdirdiklərini qeyd edərək əlavə edib:

“Rusiyanın müharibəni uzatmasını çətinləşdirmək üçün yeni sanksiya yollarını nəzərdən keçirdik. Bu xüsusilə maliyyə alətləri, kriptovalyutalar, ödəniş sxemləri və Rusiyada silah istehsalı üçün istifadə edilən komponent və avadanlıqların tədarükünü əhatə edir. Yeni sanksiya qərarlarının dəstəklənməsi üçün parlament diplomatiyası, vətəndaş cəmiyyəti liderləri və korporativ sektorla əməkdaşlığın genişləndirilməsi göstərişi verdim.”

O əlavə edib: “Ukrayna Xarici İşlər Nazirliyi, xüsusi xidmət orqanları və Ukrayna Milli Bankı Rusiyaya və onun tərəfdaşlarına qarşı sanksiya təzyiqlərinin həyata keçirilməsində daha konkret nəticələr təmin etməlidir.”