Azərbaycan News Agency

Pakistan Xarici İşlər Nazirliyinin paylaşımında Pakistan, Misir, Türkiyə, İndoneziya, İordaniya, Qətər, Səudiyyə Ərəbistanı və Birləşmiş Ərəb Əmirliklərinin xarici işlər nazirlərinin birgə bəyanatına yer verilib.

Bəyanatda işğal altında olan İordan çayının qərb sahilində fələstinlilərə qarşı artan məskunlaşmaçı zorakılığı və ibadət yerlərinə yönəlmiş son hücumlar müzakirə olunub. Bildirilib ki, bu hərəkətlər beynəlxalq hüquqa ziddir və bölgədə baş verən hadisələrə görə İsrail məsuliyyət daşıyır.

Bəyanatda beynəlxalq ictimaiyyət hüquqi və mənəvi öhdəliklərinə uyğun hərəkət etməyə çağırılıb və İsrailin qeyri-qanuni hesab edilən fəaliyyətlərinə son qoyulması üçün addımlar atılmasının vacibliyi vurğulanıb.

Həmçinin Fələstin xalqı ilə həmrəylik ifadə olunub və 1967-ci il sərhədləri əsasında, paytaxtı Şərqi Qüds olan müstəqil Fələstin dövlətinin yaradılmasını nəzərdə tutan iki dövlətli həllə dəstəyin davam etdiyi bildirilib.