Azərbaycan News Agency

ABŞ-ın Ankaradakı səfirliyi Türkiyənin Cənub-Şərqi Anadolu bölgəsi üçün səyahət xəbərdarlığının “Səviyyə 4 – Səyahət etməyin” səviyyəsinə qaldırıldığını bildirdi. Türkiyə üzrə ümumi səyahət xəbərdarlığı isə “Səviyyə 2 – Daha diqqətli olun” səviyyəsində qalıb.

Açıqlamada qeyd olunub ki, cənub-şərqdəki risk zonası ABŞ diplomatik missiyalarının fəaliyyətindəki dəyişikliklərə uyğun olaraq yenilənib və Türkiyənin digər bölgələri üçün heç bir dəyişiklik yoxdur.

Həmçinin bildirilib ki, 9 mart 2026-cı il tarixindən etibarən ehtiyat tədbiri olaraq Adana Baş Konsulluğunda çalışan vacib olmayan ABŞ hökumət əməkdaşları və onların ailələrindən bölgəni tərk etmələri istənilib.