Azərbaycan News Agency

Dr. Məhəmməd bin Abduləziz bin Saleh Al Xulaifi Belçika Krallığının baş nazirinin müavini və xarici işlər, Avropa məsələləri və inkişaf əməkdaşlığı naziri Maksim Prevot ilə telefon danışığı həyata keçirib.

Danışıq zamanı Al Xulaifi İranın Qətər ərazisinə hücumunun milli suverenliyin açıq şəkildə pozulması olduğunu, yaxşı qonşuluq prinsipləri ilə uzlaşmadığını və heç bir bəhanə ilə qəbul edilə bilməyəcəyini vurğulayıb.

Prevot isə ölkəsinin İranın Qətər ərazisinə hücumunu pislədiyini bildirərək, bunu Qətər Dövlətinin suverenliyi və hava məkanının, eləcə də beynəlxalq hüququn və Birləşmiş Millətlər Təşkilatının Nizamnaməsinin açıq şəkildə pozulması kimi qiymətləndirib.