Azərbaycan News Agency

Kanadanın xarici işlər naziri Anita Anand iyul ayının məşğulluq göstəriciləri ilə bağlı açıqlamasında gözləntiləri üstələyən yeni iş yerlərinin yaradılmasının iqtisadi artıma və əmək bazarına təsirindən danışıb.

Açıqlanan iqtisadi göstəricilərə toxunan Anand bildirib: “Kanada iyul ayında 75 min yeni iş yeri yaradaraq iqtisadçıların gözləntilərini üstələdi. Bununla da aprel ayından bəri məşğulluqdakı artım 181 minə çatdı, işsizlik səviyyəsi isə son iki ilin ən aşağı həddinə düşdü.”

Məşğulluqdakı artımın vətəndaşların həyat səviyyəsinə töhfəsini vurğulayan Anand deyib: “Daha çox kanadalı yaxşı iş tapır, müəssisələr işə qəbulu davam etdirir və əmək bazarımız düzgün istiqamətdə irəliləyir.”

Karyera imkanlarının yaradıldığını bildirən Anand sözlərini belə tamamlayıb: “Bir çox mühüm sektorda əldə olunan irəliləyişlərlə insanların karyera qurması, ailələrini təmin etməsi və irəli getməsi üçün daha çox imkan yaradırıq.”