Azərbaycan News Agency

Kanadanın xarici işlər naziri Anita Anand Kanada ilə Türkiyə arasında ticarətin son beş ildə təxminən 50 faiz artaraq 2025-ci ildə 4,3 milyard dollara çatdığını açıqlayıb.

Azad ticarət sazişi ilə bağlı danışıqların davam etdiyini bildirən Anand bazarlara çıxış imkanlarının genişləndirilməsi və kanadalı ixracatçılar üçün yeni fürsətlərin yaradılması baxımından böyük potensialın olduğunu qeyd edib.

Anand Türkiyənin ticarət naziri Ömər Bolatla görüşərək iki ölkənin ticarət prioritetlərini və mövcud artımın necə davam etdirilə biləcəyini müzakirə etdiyini bildirib. O, ticarət əlaqələrinin şaxələndirilməsinin Kanadanın iqtisadi dayanıqlığının gücləndirilməsində mühüm rol oynadığını vurğulayıb.