Azərbaycan News Agency

Birləşmiş Ərəb Əmirliklərinin Müdafiə Nazirliyinin açıqlamasına görə, müdafiə nazirinin müavini, general-leytenant İbrahim Nasser Al Alawi İsveçdə keçirilən GlobalEye təyyarəsinin təqdimat mərasimində iştirak edib.

Səfər çərçivəsində yüksək vəzifəli rəsmilərlə görüşən Al Alawi müdafiə sahəsində əməkdaşlığın gücləndirilməsi və fikir mübadiləsinin aparılması məqsədilə danışıqlar keçirib.

Təyyarənin təqdimatının İsveç Müdafiə Nazirliyinin müdafiə imkanlarını inkişaf etdirmək, havadan müşahidə və kəşfiyyat sistemlərini gücləndirmək istiqamətində apardığı işlər çərçivəsində həyata keçirildiyi bildirilib. GlobalEye təyyarəsinin qabaqcıl texnologiyaları və əməliyyat imkanları sayəsində müşahidə və kəşfiyyat missiyalarını dəstəklədiyi qeyd olunub.