Azərbaycan News Agency

Avropanın əsas fond birjası indekslərinin demək olar ki, hamısı ticarət gününü itkilərlə başa vurub. Böyük Britaniyada FTSE 100 indeksi 0,06 faiz azalaraq 10 650,33 bəndə, Fransada CAC 40 indeksi 0,07 faiz enərək 7 827,63 bəndə, Almaniyada isə DAX indeksi 0,07 faiz geriləyərək 25 259,90 bəndə düşüb. Niderlandın AEX indeksi 0,54 faiz azalaraq 1 129,32 bəndə, İspaniyanın IBEX 35 indeksi 0,39 faiz enərək 19 210,70 bəndə, regionun ən böyük şirkətlərini əhatə edən Euro Stoxx 50 indeksi isə 0,59 faiz geriləyərək 6 164,65 bəndə düşüb. Bunun əksinə olaraq, Portuqaliyanın PSI indeksi 0,173 faiz artaraq 9 379,79 bəndə, İsveçrənin SMI indeksi isə 0,36 faiz yüksələrək 13 927,52 bəndə çatıb və müsbət göstəricilərlə fərqlənib. Rusiyanın MOEX və RTSI indeksləri müvafiq olaraq 2 426,53 və 911,45 bənd səviyyəsində dəyişməz qalıb.