Azərbaycan News Agency

Amerika Birləşmiş Ştatlarının Prezidenti Donald Tramp sosial media hesabında Demokratlar Partiyasından Nümayəndələr Palatasının üzvü İlhan Omarın əmlakı ilə bağlı diqqətçəkən iddialar irəli sürüb və təcili araşdırma aparılmasına çağırıb.

Prezident Tramp bildirib ki, Omar qısa müddət əvvəl əmlakının dəyərini 30 milyon dollar olaraq bəyan edib, lakin dərhal sonra bu rəqəmi 100 min dollar olaraq düzəldib. Bu qəfil dəyişikliyin şübhəli olduğunu vurğulayan Tramp sözügedən məbləğin Minnesota ştatındakı müəyyən qanunsuzluqlardan əldə olunan gəlirlərlə əlaqəli ola biləcəyini iddia edib.
İlhan Omarın əmlakındakı artıma və həyat səviyyəsinə diqqət çəkən Tramp deyib:
"O pulu görəndə yəqin ki, dəli olub! Evi haradan gəlir, avtomobilləri haradan gəlir və Vaşinqton, D.C.-dəki o gözəl yeri necə? Konqres üzvlərinin bu qədər pul qazandığını bilmirdim, amma ərinin demək olar ki, heç nə qazanmadığını bilirəm."

Açıqlamasının davamında miqrasiya siyasətinə də toxunan Tramp Omarın Somalidən ölkəyə qanunsuz yollarla insan gətirib-gətirmədiyinin araşdırılmalı olduğunu bildirib və deyib: "Amerika cavab istəyir və biz bu cavabları indi istəyirik."