Azərbaycan News Agency

İran Xarici İşlər Nazirliyinin sözçüsü Esmaeil Baqaei Almaniyanın Birləşmiş Millətlər Təşkilatı (BMT) Təhlükəsizlik Şurasına qeyri-daimi üzvlük seçkilərində uğursuzluğunu şərh edərək, bu nəticənin Berlinin Yaxın Şərq siyasətinə qarşı qlobal reaksiyanı əks etdirdiyini bildirib.

Səsvermənin nəticəsini və bunun səbəblərini şərh edən Baqaei deyib: “Almaniyanın onilliklər ərzində ilk dəfə olaraq BMT Təhlükəsizlik Şurasında qeyri-daimi üzvlük əldə edə bilməməsi beynəlxalq ictimaiyyət tərəfindən sərt qınaqdır. Bu vəziyyət Almaniya hakimiyyətinin Qəzzadakı soyqırıma və ABŞ-İsrailin İrana qarşı hərbi təcavüzünə münasibətdə məsuliyyətsiz, ikiüzlü və şərik mövqeyinə qarşı artan qlobal qəzəbi əks etdirir.”

Berlinin İsraillə münasibətlərini və regional böhranlardakı mövqeyini sərt şəkildə tənqid edən Baqaei bildirib: “İsrailə ölümcül silahların ən böyük təchizatçılarından biri olan Almaniya fələstinlilərə qarşı soyqırımı davamlı şəkildə əsaslandırıb.”

Baqaei açıqlamasını belə yekunlaşdırıb: “İsrail rejimi İrana qarşı təcavüzə başladıqda Berlin bunu pisləməkdən imtina etdi, əvəzində isə utanmadan bunu ‘İsrailin hamımız üçün gördüyü çirkli iş’ adlandırdı.”