Azərbaycan News Agency

İran Xarici İşlər Nazirliyinin sözçüsü İsmayıl Bəqai Qırğızıstanın Çolpon-Ata şəhərində keçirilən Şanxay Əməkdaşlıq Təşkilatının Xarici İşlər Nazirləri Şurasının iclasında iştirak etdiklərini açıqlayıb.

Bəqai bildirib ki, İran ŞƏT-ə və oxşar çoxtərəfli platformalara böyük önəm verir və bu qurumların həqiqi çoxtərəfliliyin mühüm dayağı olduğunu qeyd edib.

Bəqai vurğulayıb ki, aqressiv birtərəfli siyasətlər, dövlətlərarası sazişlərin pozulması və qanunsuz güc tətbiqi beynəlxalq hüququn əsas prinsiplərinə və BMT Nizamnaməsinə əsaslanan beynəlxalq hüquq sistemini zəiflədir. Bu şəraitdə çoxtərəfli əməkdaşlıq mexanizmlərinin əhəmiyyəti daha da artır.