Azərbaycan News Agency

Pakistan Xarici İşlər Nazirliyi səkkiz ərəb-islam ölkəsinin xarici işlər nazirlərinin yayımladığı birgə bəyanatı dərc edib.

Bəyanatda İsrailin Fələstin xalqına qarşı hücumları və Qəzzadakı humanitar vəziyyətlə bağlı dərin narahatlıq ifadə olunub, beynəlxalq hüquqa uyğun olaraq dərhal atəşkəsin təmin edilməsi və mülki əhalinin qorunması çağırışı edilib.

Birgə bəyanatda Şərqi Qüdsün tarixi və hüquqi statusunu dəyişdirməyə yönəlmiş birtərəfli cəhdlər rədd edilərək, Əl-Əqsa məscidinin mövcud tarixi və hüquqi statusunun qorunmasının vacibliyi vurğulanıb. Həmçinin müqəddəs məkanlara qarşı pozuntuların dayandırılması və İordaniya Haşimilər Vəqfinin Əl-Əqsa məscidi üzərindəki himayədarlıq roluna hörmət göstərilməsi istənilib.

Nazirlər beynəlxalq ictimaiyyəti İsrailin hücumlarının dayandırılması, Fələstin xalqının qorunması və iki dövlətli həll əsasında davamlı sülhün təmin olunması üçün səyləri artırmağa çağırıblar.