Azərbaycan News Agency

Niderlandın xarici işlər naziri Tom Berendsen Əlcəzairə səfəri çərçivəsində Əlcəzairin xarici işlər naziri Əhməd Attafla görüşüb.

Görüşlə bağlı açıqlama verən Berendsen Əlcəzair və Niderland arasındakı münasibətlərin əhəmiyyətini vurğulayaraq, “Əlcəzair və Niderland mühüm tərəfdaşlardır” deyib.

Berendsen iki ölkənin iqtisadi əməkdaşlıq və miqrasiya məsələləri üzrə fəaliyyətini nəzərdən keçirdiklərini, həmçinin Sahel bölgəsində daha çox sabitliyə töhfə vermək məqsədilə birgə ata biləcəkləri addımları müzakirə etdiklərini bildirib.

Berendsen Nyu-Yorkda başlayan təmasları Əlcəzairdə davam etdirməkdən məmnunluğunu ifadə edərək, “Nyu-Yorkda başladığımız danışıqları Əlcəzairdə davam etdirmək xoşdur” deyə bildirib.