Azərbaycan News Agency

İsrailin xarici işlər naziri Gideon Sa’ar Böyük Britaniyanın Leyboristlər Partiyası hökumətinin İsrailə qarşı yeni sanksiyalar elan etməsindən sonra İsrailin cavab olaraq tətbiq edəcəyi tədbirləri açıqlayıb.

Saar Böyük Britaniyanın Qüdsdəki Baş Konsulluğunun bağlanacağını, britaniyalı nümayəndələrin Kiryat Qatdakı Qəzza Beynəlxalq Yardım Mərkəzindən çıxarılacağını və Böyük Britaniyanın İordan çayının Qərb sahilində Fələstin Administrasiyasının qüvvələri üçün təlim fəaliyyətlərinin dayandırılacağını açıqlayıb.

İsrailə qarşı fəaliyyət göstərdiyi bildirilən 12 britaniyalı siyasətçi və vətəndaşın ölkəyə girişinə qadağa qoyulacağını deyən Saar bildirib: “İsrailə zərər verən hər bir hökumətə mesajımız aydındır: İsrailə qarşı hərəkət edən İsrailin cavabını görəcək və bölgədəki təsirini və əhəmiyyətini itirəcək.”

Saar deyib: “İsrailə qarşı atılan addımlar cavabsız qalmayacaq.”