Azərbaycan News Agency

Salvador Prezidenti Nayib Bukele bildirib ki, parlament demokratiyalarında xalq hökumət başçısını birbaşa seçmir və buna görə də bu sistemlərin birbaşa seçki modelindən daha demokratik olduğunu söyləmək mümkün deyil.

Bukele qeyd edib ki, Salvadorda müddətsiz yenidən namizədliyə imkan verən konstitusiya dəyişikliyi seçkilərdə xalqın güclü dəstəyi ilə formalaşmış parlament çoxluğu tərəfindən qəbul edilib. O əlavə edib ki, ölkədə keçirilən seçkilər beynəlxalq müşahidəçilər tərəfindən izlənilib və heç bir dövlət və ya beynəlxalq təşkilat onların azad və demokratik olmadığı barədə rəy bildirməyib.

"Nəticə etibarilə hər xalq öz yolunu seçir", – deyən Bukele vurğulayıb ki, müxtəlif ölkələrin fərqli idarəetmə sistemləri var və konstitusiya dəyişiklikləri də bir çox ölkədə müxtəlif üsullarla həyata keçirilir.