Azərbaycan News Agency

ABŞ Mərkəzi Komandanlığı (CENTCOM) Hörmüz boğazı ilə bağlı beynəlxalq dəniz daşımaları tərəfdaşları üçün onlayn məlumatlandırma görüşü keçirib.

CENTCOM-un açıqlamasında bildirilib ki, kommersiya dəniz nəqliyyatının artması fonunda sərbəst gəmiçiliyin təmin edilməsi istiqamətində səylərin sürətləndirilməsi müzakirə olunub.

Açıqlamada CENTCOM-un komandanı admiral Bred Kuperin sektor nümayəndələrinə və ABŞ-ın digər dövlət qurumlarına davamlı dəstəklərinə görə təşəkkür etdiyi bildirilib. Həmçinin “əsassız İran hücumları” nəticəsində mülki gəmi heyətlərinin üzləşdiyi fədakarlıqlara və çətinliklərə diqqət çəkilib.