Lahbib və Makneyl BMT və humanitar yardım gündəliyini müzakirə ediblər
Avropa İttifaqının (Aİ) Bərabərlik, Hazırlıq və Böhranların İdarə Edilməsi üzrə komissarı Haca Lahbib Böyük Britaniyanın beynəlxalq inkişaf naziri Kirsti Makneyl ilə Birləşmiş Millətlər Təşkilatının islahatı, humanitar yardım və qlobal böhranlarla bağlı birgə fəaliyyət məsələləri ətrafında fikir mübadiləsi aparıb.
Lahbib Makneyl ilə görüşündən sonra etdiyi paylaşımda tərəflərin Birləşmiş Millətlər Təşkilatının 80 illiyi ilə bağlı təşəbbüslər və humanitar yardım sisteminin yenidən qurulması məsələlərində mövqelərinin bir-birinə çox yaxın olduğunu bildirib.
Lahbib tərəflərin dünyanın həssas vəziyyətdə olan ölkələrində özəl sektorun səfərbər edilməsi və böyük böhranlara qarşı birgə tədbirlərin görülməsi istiqamətində də əməkdaşlıq etdiklərini qeyd edib.
Lahbib iki tərəf arasında sıx əməkdaşlığın davam etdiriləcəyini vurğulayıb.
Azərbaycan İnformasiya Agentliyi
Facebook
Tweeter
Whatsapp
