Azərbaycan News Agency

Böyük Britaniyanın xarici işlər naziri Yvette Cooper Mansion House-da etdiyi çıxışında dəniz təhlükəsizliyi və azad ticarət məsələlərinə toxunub.

Hörmüz boğazındakı vəziyyətlə bağlı aydın mövqe sərgiləyən Cooper deyib: “Mansion House çıxışımda açıq şəkildə bildirdim: Hörmüz boğazı heç bir məhdudiyyət və ya keçid haqqı olmadan tam şəkildə yenidən açılmalıdır”.

Sözügedən su yolunun iqtisadi əhəmiyyətini vurğulayan Cooper bildirib: “Bu həyati əhəmiyyətli su yolunun bağlanması dünya üzrə ticarətə və ölkəmizdəki qiymətlərə zərbə vurur”.

Beynəlxalq dəniz hüququna və naviqasiya azadlığına toxunan Cooper deyib: “Naviqasiya azadlığı o deməkdir ki, naviqasiya azad olmalıdır”.