Azərbaycan News Agency

Avropa Şurasının Prezidenti Antonio Costa Səudiyyə Ərəbistanının vəliəhd şahzadəsi Məhəmməd bin Salman ilə görüş keçirib.

Səfəri barədə məlumat verən Costa bildirib: “Səudiyyə Ərəbistanı Krallığına ilk səfərimi həyata keçirməkdən və ölkənin son zamanlar məruz qaldığı ədalətsiz hücumların fonunda vəliəhd şahzadə Məhəmməd bin Salman ilə görüşməkdən məmnunam”.

Səudiyyə Ərəbistanının rolunu yüksək qiymətləndirən Costa deyib: “Aİ-nin Səudiyyə Ərəbistanı və onun xalqı ilə tam həmrəyliyini çatdırdım. Səudiyyə Ərəbistanının sabitliyin təminində rolunu və dialoq ilə diplomatiyanı təşviq etmək səylərini yüksək qiymətləndiririk”.

Regional sülh səylərinə və beynəlxalq razılaşmalara toxunan Costa əlavə edib: “ABŞ-İran atəşkəs razılaşmasının dinamikasının qorunması və bütün tərəflərin davamlı, hərtərəfli razılaşmaya nail olmaq üçün xoş niyyətlə hərəkət etməsi çox vacibdir”.