Azərbaycan News Agency

Pakistanın Baş nazirinin müavini və xarici işlər naziri, senator Məhəmməd İshaq Dar Filippinin paytaxtı Manilada keçirilən ASEAN Regional Forumu (ARF 2026) çərçivəsində Avstraliyanın xarici işlər naziri Penni Vonq ilə görüşüb.

Pakistan Xarici İşlər Nazirliyinin açıqlamasına görə, görüşdə Pakistan ilə Avstraliya arasında ikitərəfli münasibətlər müzakirə olunub, tərəflər müntəzəm yüksək səviyyəli təmaslar da daxil olmaqla əməkdaşlığın daha da gücləndirilməsi istiqamətində qətiyyətlərini bir daha təsdiqləyiblər.

Görüş zamanı regional və beynəlxalq məsələlər ətrafında da fikir mübadiləsi aparılıb.

Avstraliyanın xarici işlər naziri Penni Vonq Pakistanın dialoq və gərginliyin azaldılması istiqamətində oynadığı konstruktiv rolu yüksək qiymətləndirib.

Tərəflər bölgədə son dövrlərdə yaşanan gərginliklərin narahatlıq doğurduğunu vurğulayaraq, davamlı sülhün, sabitliyin və təhlükəsizliyin təmin olunması üçün dialoq, diplomatiya və beynəlxalq hüquqa hörmətin əsas əhəmiyyət daşıdığı barədə ortaq mövqe nümayiş etdiriblər.