Azərbaycan News Agency

Azərbaycan Prezidenti İlham Əliyev Ermənistanın paytaxtı İrəvanda keçirilən Avropa Siyasi Birliyinin (ASB) 8-ci Zirvəsinə video bağlantı vasitəsilə qatılıb.

Növbəti zirvələrdən birinin Azərbaycanda keçirilməsini təklif edən Əliyev bildirib: “Balanslı yanaşmanı qorumaq üçün növbəti zirvələrdən birinin Azərbaycanda keçirilməsini xahiş etdim. Bu təklif qəbul edildi. Buna görə də ASB üzvlərini 2028-ci ilin may ayında Azərbaycana dəvət edirəm.”

İkili münasibətlərin hazırkı vəziyyəti barədə məlumat verən Əliyev deyib: “Azərbaycan 1990-cı illərin əvvəllərində Ermənistana tətbiq olunan bütün tranzit məhdudiyyətlərini birtərəfli qaydada aradan qaldırıb. Bu günə qədər Azərbaycan ərazisi vasitəsilə Ermənistana 28 min ton yük çatdırılıb.”

Avropa Komissiyasına təşəkkürünü bildirən Əliyev qeyd edib: “Ermənistan-Azərbaycan sülh prosesi ilə bağlı mövqeyinə görə Avropa Komissiyasına təşəkkür etmək istəyirəm.”