Əliyev türkmənistanlı həmkarı Berdiməhəmmədov ilə görüşdü
Bakı, 22 iyun (Hibya) - Türkmənistan Prezidenti Serdar Berdiməhəmmədovun Azərbaycana dövlət səfəri çərçivəsində rəsmi qarşılanma mərasimi keçirilib.
Azərbaycan Prezidenti İlham Əliyev Türkmənistan Prezidenti Serdar Berdiməhəmmədovu qarşılayaraq mərasimdə iştirak edib. Milli bayraqlarla bəzədilmiş meydanda Türkmənistan Prezidenti üçün fəxri qarovul dəstəsi düzülüb.
Mərasimdə fəxri qarovul dəstəsinin komandiri Berdiməhəmmədova raport verib, daha sonra Türkmənistan və Azərbaycanın dövlət himnləri səsləndirilib. Fəxri qarovul dəstəsi hərbi marşın müşayiəti ilə iki liderin önündən keçib.
Proqram çərçivəsində hər iki ölkənin nümayəndə heyətlərinin üzvləri qarşılıqlı şəkildə təqdim olunublar.
Azərbaycan İnformasiya Agentliyi
Facebook
Tweeter
Whatsapp
