Azərbaycan News Agency

Özbəkistanın xarici işlər naziri Bəxtiyor Saidov iki ölkə arasında ekoloji əməkdaşlıq və dayanıqlılıq məsələləri ilə bağlı açıqlamalar verib.

Görüşün əsas mövzularına diqqət çəkən Saidov deyib: “Görüşümüz zamanı iqlim dəyişikliyi ilə mübarizə, ‘yaşıl’ iqtisadiyyat və su ehtiyatlarının səmərəli idarə olunması sahələrində əməkdaşlığa xüsusi önəm verdik.”

Sinqapurun bu sahələrdəki təcrübəsinin əhəmiyyətini vurğulayan Saidov sözlərini belə yekunlaşdırıb: “Sinqapurun ekoloji dayanıqlılığı təmin etmək və innovativ yanaşmaları tətbiq etmək sahəsində qabaqcıl təcrübəsinin ölkəmiz üçün böyük əhəmiyyət daşıdığını qeyd etdik.”