Azərbaycan News Agency

Əmtəə bazarlarında günün ilk saatlarında qarışıq dinamika müşahidə olunur.

Qızılın bir unsiyasının qiyməti 0,05 faiz azalaraq 4.543,24 dollara enib, gümüş isə 2,04 faiz bahalaşaraq 67,165 dollara yüksəlib. Misin bir funtunun qiyməti isə 0,40 faiz azalaraq 6,4830 dollara düşüb.

Neft bazarında Brent markalı neftin bir barelinin qiyməti 0,08 faiz artaraq 91,69 dollara yüksəlib, WTI markalı xam neft isə 0,02 faiz ucuzlaşaraq 84,37 dollar səviyyəsində qərarlaşıb.

Təbii qazın qiyməti 0,40 faiz artaraq 2,795 dollara yüksəlib. İsitmə mazutu isə 0,25 faiz ucuzlaşaraq 4,4287 dollara geriləyib.

Kənd təsərrüfatı əmtəələri arasında ABŞ soya paxlası 0,18 faiz bahalaşaraq 1.238,25 dollara, ABŞ buğdası isə 0,29 faiz artaraq 698,50 dollara yüksəlib. RBOB benzini 1,72 faiz ucuzlaşaraq 3,1990 dollar səviyyəsinə enib.