Azərbaycan News Agency

İranın xarici işlər naziri Seyid Abbas Əraqçi Amerika Birləşmiş Ştatlarının (ABŞ) siyasətini və yüksək vəzifəli amerikalı rəsmilərin İranla bağlı açıqlamalarını tənqid edib.

Sosial media hesabında açıqlama verən Əraqçi Mayk Pompeonun keçmişdə İran xalqı haqqında səsləndirdiyi fikirləri xatırladaraq, oxşar ritorikanın bu gün də ABŞ dövlət katibi Marko Rubio tərəfindən davam etdirildiyini bildirib.

Əraqçi paylaşımında bunları qeyd edib:

"8 il əvvəl Pompeo kimi cizgi filmi personajını xatırladan bir şəxs iranlıların 'yemək yemək istəyirlərsə', Ağ Evin diktələrinə tabe olmalı olduqlarını demişdi. Bu gün isə kubalı soydaşları eyni siyasətin qurbanı olan Rubio həmin cəfəngiyyatı təkrarlayır. Bunun qeyri-insani olmasını bir kənara qoysaq, ABŞ-nin uğursuz siyasətlərini yaradan məhz bu xülyalardır."