Azərbaycan News Agency

Avstraliyanın xarici işlər naziri Penni Vonq ölkələrinə xidmət etmiş bütün avstraliyalı hərbçiləri və əməkdaşları şərəfləndirmək məqsədilə təşkil olunan anım mərasimində iştirak edib.

Unley RSL şöbəsi tərəfindən təşkil edilən mərasimdə çıxış edən nazir Vonq xidməti vəzifələrini yerinə yetirərkən həyatını itirənləri və onların ailələrini yad edib.

Anım mərasimi ilə bağlı sosial media hesabında paylaşım edən nazir Vonq bildirib: "Bu gün xidmət etmiş hər bir avstraliyalını şərəfləndirmək və yad etmək üçün Unley RSL şöbəsinə qoşuldum. Heç vaxt evlərinə qayıda bilməyənləri, həyatları həmişəlik dəyişənləri və itkilərinin ağrısını hələ də hiss edən ailələri yad edirik. Unutmayacağıq."