Azərbaycan News Agency

Ermənistan Milli Təhlükəsizlik Şurasının katibi Armen Qriqoryan rəsmi səfəri çərçivəsində Tehranda İranın xarici işlər naziri Seyyid Abbas Arakçi ilə görüşüb. Görüşdə İran-Ermənistan ikitərəfli münasibətləri, eləcə də regional və beynəlxalq inkişaflar müzakirə olunub.

İran xarici işlər naziri Arakçi iki ölkə arasındakı münasibətlərin uzun müddətdir yaxşı niyyət, qarşılıqlı hörmət və ortaq maraqlar əsasında davam etdiyini vurğulayıb.

Arakçi həmçinin İran prezidentinin Ermənistan səfəri zamanı göstərilən qonaqpərvərliyə görə Ermənistan hökumətinə və xalqına təşəkkür edib.

Qriqoryan isə iranlı rəsmilərlə görüşlərini “müsbət və konstruktiv” kimi qiymətləndirib. O, İranla yüksək səviyyəli təmasların xüsusilə Prezident Pezeşkianın Ermənistan səfərindən sonra daha da gücləndiyini bildirib.