Azərbaycan News Agency

Fələstinin Xarici İşlər Nazirliyi beynəlxalq ictimaiyyətə, xüsusilə BMT Təhlükəsizlik Şurasına, Avropa İttifaqına, BMT-yə və onun ixtisaslaşmış qurumlarına, o cümlədən UNESCO-ya, həmçinin Cenevrə Konvensiyalarının Ali Razılaşan Tərəflərinə müraciət edərək bu qurumların “hüquqi və mənəvi məsuliyyətlərini üzərinə götürməli” olduğunu vurğulayıb.

Bəyanatda BMT Təhlükəsizlik Şurasının 904 saylı qətnaməsinə uyğun olaraq məskunlaşanların tərksilah edilməsi və onların silahlandırılmasına dərhal son qoyulması tələb edilib. Həmçinin İsrailin rəsmi təhsil proqramında yer alan təhrikedici məzmunlara görə cavab verməli olduğu bildirilib.

Nazirlik Fələstin vəsaitlərinin saxlanılması da daxil olmaqla “kollektiv cəzalandırma siyasətlərinə son qoyulması”, Fələstin xalqı üçün “təcili və effektiv beynəlxalq qorumanın təmin edilməsi” və məskunlaşma cinayətləri, sistematik zorakılıq, müharibə cinayətləri və soyqırımı əməllərinə görə məsul şəxslərin cavabdehliyinin təmin olunmasına çağırıb.

Bəyanatda bu cinayətlərin icraçıları və məsul şəxslərinin cəzasız qalmasının “gərginliyi daha da artırdığı” vurğulanaraq, bunun bölgədə sülh, təhlükəsizlik və sabitliyin əsaslarını ciddi şəkildə zəiflətdiyi barədə xəbərdarlıq edilib.