Azərbaycan News Agency

Fələstin Xarici İşlər Nazirliyinin açıqlamasına görə, görüşdə işğal altındakı Fələstin torpaqlarında baş verən son hadisələr və iki ölkə arasında koordinasiyanın gücləndirilməsi müzakirə olunub.

Açıqlamada bildirilib ki, Fələstin tərəfinin əsas prioriteti Fələstin xalqının öz torpaqlarında qalmasını təmin etmək və məcburi köçürmə cəhdlərinin qarşısını almaqdır. Həmçinin ərəb və islam ölkələrinin Fələstin xalqının hüquqlarının qorunmasına yönəlmiş beynəlxalq səylərə töhfə verəcək addımlar atmasının vacibliyi vurğulanıb.

Tərəflər qarşıdakı dövrdə birgə koordinasiya və əlaqələrin gücləndirilməsi barədə razılığa gəliblər. Bu çərçivədə regional və beynəlxalq diplomatik təşəbbüslərin dəstəklənməsi, eləcə də Fələstinin siyasi mövqeyinin gücləndirilməsi məqsədilə əməkdaşlığın artırılması məsələləri müzakirə olunub.

Misir tərəfi Fələstin məsələsinə və Fələstin administrasiyasına dəstəyini bir daha təsdiqləyib. Açıqlamada həmçinin Fələstin hökumətinin Qəzza zolağında öz vəzifələrini ən qısa zamanda üzərinə götürməsi gözləntisinin ifadə olunduğu və Qəzza zolağının İordan çayının qərb sahilindən ayrılmasına yönəlmiş planlara qarşı çıxıldığı bildirilib.