Azərbaycan News Agency

Fələstin Dövlətinin Xarici İşlər və Xaricdə Yaşayanlar Naziri Dr. Varsen Ağabekian Şahin İslam Əməkdaşlıq Təşkilatının (İƏT) Fələstin Ofisinin nümayəndəsi Dr. Əhməd Hənun ilə görüşüb.

Görüşdə İƏT-in Fələstin məsələsinə verdiyi dəstək və beynəlxalq platformalardakı rolu müzakirə olunub. Nazir Şahin təşkilatın Fələstin xalqının hüquqlarını müdafiə etmək istiqamətində göstərdiyi səyləri yüksək qiymətləndirərək, İƏT-in bəyanatlarının konkret və təsirli addımlara çevrilməsinin vacibliyini vurğulayıb.

Şahin həmçinin qeyd edib ki, Fələstin Xarici İşlər Nazirliyi ilə İƏT arasında koordinasiyanın gücləndirilməsi Fələstinin milli prioritetlərinə və beynəlxalq görünürlüğünün artırılmasına töhfə verəcək.

İƏT-in Fələstin Ofisinin nümayəndəsi Dr. Əhməd Hənun isə ofisin fəaliyyəti barədə məlumat verərək, işğal altında olan Fələstin torpaqlarında baş verən pozuntuların izlənməsi və sənədləşdirilməsi işlərinin davam etdiyini bildirib. O, həmçinin media və hüquqi müşahidə mərkəzinin yaradılması istiqamətində iş aparıldığını qeyd edib.

Hənun vurğulayıb ki, İƏT Fələstin xalqına dəstək vermək üçün bütün imkanları ilə əməkdaşlığa hazırdır.