Azərbaycan News Agency

Nazirliyin açıqlamasında İsrail hakimiyyətinin xüsusilə Qəzza zolağında humanitar, səhiyyə və ekoloji sahələrdə fəaliyyət göstərən aparıcı beynəlxalq yardım təşkilatlarının iş icazələrini ləğv etməsinin “özbaşına və qanunsuz” bir addım olduğu bildirildi. Açıqlamada İsrailin bu qərara əsas kimi göstərdiyi iddiaların rədd edildiyi vurğulandı.

Fələstin Xarici İşlər Nazirliyi qeyd etdi ki, sözügedən təşkilatlar başda Qəzza olmaqla Fələstin xalqına humanitar, səhiyyə və ekoloji dəstək göstərir və bu qərarın İsrailin davam edən hücumları, aclıq siyasəti və İordan çayının qərb sahilindəki qaçqın düşərgələrinə təzyiqləri ilə eyni vaxta təsadüf etdiyini diqqətə çatdırdı.

Açıqlamada həmçinin İsrailin işğalçı qüvvə kimi Qüds də daxil olmaqla Fələstin əraziləri üzərində heç bir suveren hüququnun olmadığı vurğulandı. Fələstin Dövlətinin bu milli və beynəlxalq səviyyədə tanınan təşkilatların fəaliyyətini alqışladığı və onların beynəlxalq humanitar standartlara uyğun çalışdığı bildirildi.