Azərbaycan News Agency

Fələstinin xarici işlər və xaricdə yaşayan fələstinlilərlə iş üzrə naziri Varsen Aghabekian Şahin ABŞ-nin keçmiş səfiri və Prinston Universitetinin professoru Daniel Kurtzer, eləcə də universitet tələbələrindən ibarət nümayəndə heyəti ilə görüşüb.

Fələstin Xarici İşlər Nazirliyinin açıqlamasına görə, Şahin görüş zamanı İsrailin Qəzza zolağında və İordan çayının qərb sahilində Fələstin xalqına qarşı hüquq pozuntularının davam etdiyi bir dövrdə Fələstində baş verən son hadisələr barədə məlumat verib.

İşğala son qoyulmasının və müstəqil Fələstin dövlətinin yaradılmasının ədalətli və davamlı sülhə nail olmaq üçün əsas yol olduğunu vurğulayan Şahin ABŞ-nin işğalı idarə etmək əvəzinə, onun sona çatdırılmasında fəal rol oynamalı olduğunu bildirib.

Şahin həmçinin Fələstin məsələsinin həlli prosesində əsas tərəflər kimi Fələstin rəhbərliyi və xalqı ilə əlaqələrin qurulmasının vacibliyini qeyd edib.