Azərbaycan News Agency

Oman Sultanı Heysəm bin Tariqin Böyük Britaniyaya dövlət səfəri iki ölkə arasında köklü münasibətlərin inkişaf etdirilməsi və əməkdaşlığın yeni sahələrə genişləndirilməsi məqsədi ilə diqqət çəkir.

Səfər çərçivəsində Oman Sultanı Heysəm bin Tariq ilə Böyük Britaniya Kralı III Çarlz arasında keçiriləcək görüşlərdə iki ölkənin tarixi irsinə əsaslanaraq əməkdaşlığın daha yüksək səviyyəyə çatdırılması məsələləri müzakirə olunacaq.

Açıqlamada Oman ilə Böyük Britaniya arasındakı münasibətlərin dərinliyinə və ortaq öhdəliklərə diqqət çəkilərək əməkdaşlığın hər iki ölkənin və dost xalqlarının rifahı naminə inkişaf etdirilməsinin hədəfləndiyi bildirilib. Həmçinin Böyük Britaniya Kralı III Çarlza və ölkə hökumətinə səmimi qarşılanma və qonaqpərvərliyə görə təşəkkür edilib.