Fridrix: Böhranların ön cəbhəsində olan bütün qızların dözümlülüyünü hörmətlə yad edirik
Nyu-York, 11 oktyabr (Hibya) – UNRWA-nın Qərbi Şəriə və Şərqi Qüds üzrə işlər direktoru Roland Fridrix 11 oktyabr Qızlar Gününü qeyd edib.
Fridrix bildirib ki, Qızlar Günü münasibətilə onlar böhranların ön cəbhəsində olan bütün qızların, xüsusən də Qərbi Şəriənin şimalında məcburi köçkün olmuş qızların dözümlülüyünü hörmətlə yad edirlər.
O qeyd edib ki, Cenin, Tulkarim və Nur Şəms düşərgələrində 6 mindən çox qız hələ də evlərindən uzaqdadır, təhsilləri yarımçıq qalıb və gələcəkləri qeyri-müəyyəndir. “Qərbi Şəriədəki UNRWA məktəblərində təhsil alan 48 min şagirddən 60 faizdən çoxunu qızlar təşkil edir. Bu qızlar bir gün həkim, vəkil, alim, proqramçı, jurnalist, müəllim və siyasətçi kimi cəmiyyətlərinə xidmət edən qadınlara çevriləcəklər. UNRWA yetmiş ildir ki, fələstinli qızların həyat bacarıqlarını inkişaf etdirmələrinə şərait yaradaraq nəsilləri təhsil verir,” – deyə Fridrix bildirib.
O əlavə edib ki, dünya Pekin Bəyannaməsinin 30 illiyini qeyd edərkən, Qərbi Şəriədəki UNRWA fələstinli qaçqınların, o cümlədən qızların gələcəyini qorumaq öhdəliyini bir daha təsdiqləyir.
Azərbaycan İnformasiya Agentliyi
Facebook
Tweeter
Whatsapp
