Azərbaycan News Agency

İsrail Prezidenti İsxak Hersoq sosial media hesabında paylaşdığı açıqlamada Azərbaycanın paytaxtı Bakıda yəhudi icmasının rəhbərləri ilə görüşdüyünü bildirib.

Hersoq görüşlə bağlı deyib: “Bu gün Bakıda Azərbaycan yəhudi icmasının rəhbərləri ilə keçirdiyim görüş məndə dərin təəssürat yaratdı.”

Hersoq Azərbaycandakı yəhudi icmasının qədim tarixinə toxunaraq, yəhudilərin əsrlər boyu ölkənin zəngin mədəni mühitinin ayrılmaz hissəsi olduğunu qeyd edib.

Hersoq Azərbaycanın yəhudi icmasına və İsrail Dövlətinə münasibətdə dini tolerantlıq və qarşılıqlı hörmət ənənəsinin bütün region üçün mühüm nümunə təşkil etdiyini bildirib.