Azərbaycan News Agency

İsrail Müdafiə Qüvvələri (IDF) Qəzza zolağının cənubunda həyata keçirilən hava zərbəsi nəticəsində HƏMAS-ın hərbi qanadının Nuxba bölməsinin rəhbərlərindən Yəhya Səid Məhəmməd Həmdanın zərərsizləşdirildiyini açıqlayıb.

IDF-in açıqlamasına görə, Həmdanın 7 oktyabr 2023-cü ildə İsrailin cənubundakı Reim bazasına edilən hücumda iştirak etdiyi iddia olunur.

Açıqlamada həmçinin bildirilib ki, Həmdan son dövrlərdə İsrail qüvvələrinə qarşı hücumların planlaşdırılması və HƏMAS-ın hərbi potensialının yenidən qurulması istiqamətində fəaliyyət göstərib.

İsrail həmin şəxsin bölgədə fəaliyyət göstərən qüvvələr üçün "ani təhlükə" yaratdığını bildirərək, dəqiq hava zərbəsi ilə zərərsizləşdirildiyini qeyd edib.

IDF həmçinin Cənub Komandanlığının bölmələrinin mövcud əməliyyat planlarına uyğun olaraq bölgədə fəaliyyətini davam etdirdiyini və yaranan təhlükəsizlik risklərinin aradan qaldırılması məqsədilə əməliyyatlarını sürdü­rəcəyini bildirib.