Azərbaycan News Agency

İsrail Müdafiə Qüvvələri (İDF) daxili təhlükəsizlik xidməti Şin Bet (Şabak) ilə koordinasiya şəraitində Qəzzanın Deyr əl-Bələh və Şati bölgələrində keçirilən əməliyyatlarda HƏMAS-ın hərbi qanadının iki komandirinin öldürüldüyünü bildirib.

İDF-nin açıqlamasına görə, Deyr əl-Bələh əməliyyatında HƏMAS-ın Nuxba bölməsinin komandirlərindən Abdullah Adnan Taha Əbu əl-Lətif, Şati bölgəsində keçirilən əməliyyatda isə Dərəc Tuffah batalyonunun komandirlərindən Cəlal Zabih hədəfə alınıb.

Açıqlamada iddia olunub ki, həmin şəxslər 7 oktyabr hücumlarında iştirak ediblər və son dövrdə İsrail əsgərləri və mülki şəxslərə qarşı hücumlar planlaşdırıblar. Bildirilib ki, əməliyyatlar bu təhlükəni aradan qaldırmaq məqsədilə həyata keçirilib.