Azərbaycan News Agency

Özbəkistanın xarici işlər naziri Baxtiyor Saidov Hindistanın xarici işlər naziri Subrahmanyam Ceyşankar ilə məhdud formatda görüş keçirdiyini açıqlayıb.

Saidov bildirib ki, görüş zamanı Özbəkistan ilə Hindistan arasında strateji tərəfdaşlığın və çoxtərəfli əməkdaşlığın inkişafına dair aktual məsələlər müzakirə olunub.

Saidovun sözlərinə görə, tərəflər ən yüksək səviyyədə əldə olunmuş razılaşmalar çərçivəsində ikitərəfli əməkdaşlıqda əldə edilən irəliləyişi qiymətləndirib, müxtəlif səviyyələrdə dialoqun davam etdirilməsi və qarşıdakı dövrdə keçiriləcək yüksək səviyyəli görüşlərin təqvimi barədə də fikir mübadiləsi aparıblar.