Azərbaycan News Agency

İsrailin xarici işlər naziri Gideon Saar Perunun yeni xarici işlər naziri Karlos Espa ilə telefon danışığı apardığını açıqlayıb.

Saar həmkarını vəzifəyə başlaması münasibətilə təbrik edib, yeni vəzifəsində ona uğurlar arzulayıb və İsrailə səfərə dəvət edib.

Danışıq zamanı İsrail ilə Peru arasındakı tarixi dostluq, İsrailin Latın Amerikası ilə əlaqələrinin inkişafı və MASHAV vasitəsilə həyata keçirilə biləcək beynəlxalq inkişaf əməkdaşlığı məsələləri müzakirə olunub.

Saar bildirib ki, tərəflər El Ninyo hadisəsinin yaratdığı çətinlikləri də qiymətləndiriblər. O əlavə edib ki, İsrail Perunun fəlakətlərə hazırlıq və dayanıqlılıq potensialını dəstəkləməyə hazırdır. Həmçinin ikitərəfli münasibətlərin inkişafı məqsədilə yaxın zamanda yenidən görüş keçirilməsi barədə razılıq əldə olunub.