Azərbaycan News Agency

İsrail Müdafiə Qüvvələri (İDF) Livanın Əl Əqidə bölgəsində fəaliyyət göstərdiyi bildirilən Hizbullah üzvlərinə qarşı hava zərbəsi endirdiyini açıqlayıb.

İDF-nin bəyanatında deyilir: "Bu gün səhər saatlarında Komando Briqadasının bölmələri İDF qüvvələrinin fəaliyyət göstərdiyi təhlükəsizlik zonasının yaxınlığındakı Əl Əqidə bölgəsində motosikletlərlə hərəkət edən Hizbullah terror təşkilatına məxsus terrorçu qrupu aşkar edib. Terrorçuların fəaliyyəti qüvvələrimiz üçün təhlükə yaradırdı. Onlar müəyyən edildikdən sonra İDF təhlükəni aradan qaldırmaq məqsədilə terrorçuları dəqiq zərbə ilə hədəfə aldı. İDF qüvvələrinə qarşı hər hansı təhlükəni aradan qaldırmaq üçün fəaliyyətini davam etdirəcək və Hizbullah terror təşkilatının İsrail Dövlətinin vətəndaşlarına və İDF qüvvələrinə hücum etməsinə imkan verməyəcək."