Azərbaycan News Agency

İran Xarici İşlər Nazirliyinin sözçüsü İsmail Bəkai hücum nəticəsində çoxsaylı ibadət edən şəxsin həlak olduğunu və yaralandığını bildirərək, hücumu “qətiyyətlə” pislədiklərini açıqladı.

Bəkai həlak olanların ailələrinə başsağlığı verərək, yaralıların tezliklə sağalmaları üçün dua etdiklərini qeyd etdi.

İran İslam Respublikasının terrorizmə və zorakı ekstremizmə qarşı prinsipial mövqeyini vurğulayan Bəkai, Suriyanın suverenliyi və ərazi bütövlüyünün pozulması, eləcə də ölkənin bəzi bölgələrinin işğalı daxil olmaqla qanunsuz müdaxilələrin terrorun davam etməsinə və yayılmasına şərait yaratdığını bildirdi.

O, həmçinin bu mənfur terror aktının icraçı və təşkilatçılarının müəyyən edilərək cəzalandırılmasına çağırdı və bu məsələdə Suriyadakı keçid hökumətinin məsuliyyətinə diqqət çəkdi.