İran və İtaliya beşinci siyasi məsləhətləşmə raundunu keçirdilər
Tehran, 9 iyun (Hibya) – İran İslam Respublikası və İtaliya Respublikası arasında beşinci siyasi məsləhətləşmə raundu keçirilib. Görüşlər İranın Xarici İşlər nazirinin siyasi məsələlər üzrə müavini Məcİd Taxt-Rəvənçi və İtaliyanın Xarici İşlər nazirinin müavini Rikkardo Quariglia-nın həmsədrliyi ilə baş tutub.
Məsləhətləşmələr zamanı siyasi, iqtisadi, mədəni və konsulluq sahələrində ikitərəfli əlaqələrlə yanaşı, İranla ABŞ arasında aparılan dolayı danışıqlar və regional inkişaflar kimi beynəlxalq məsələlər müzakirə edilib. Tərəflər bu mövzularda fikir və mövqelərini qarşılıqlı şəkildə bölüşüblər.
Bəzi məsələlərin izlənilməsi və qiymətləndirilməsi qərara alınıb və növbəti siyasi məsləhətləşmə raundunun Romada keçirilməsi ilə bağlı razılıq əldə olunub.
İtaliyanın Xarici İşlər nazirinin müavini Quariglia və nümayəndə heyəti həmçinin İranın Xarici İşlər naziri Seyid Abbas Əraqçi ilə də görüş keçiriblər.
Azərbaycan İnformasiya Agentliyi
Facebook
Tweeter
Whatsapp
