Azərbaycan News Agency

CCTV-nin xəbərinə görə, İtaliya Biznes, Turizm və Xidmətlər Konfederasiyasının dərc etdiyi hesabata əsasən, ölkədə davamlı yüksək temperatur İtaliya iqtisadiyyatına hər il 6 milyarddan 12 milyard avroyadək itkiyə səbəb ola bilər.

Hesabatda bildirilir ki, İtaliya hər il 30-60 gün ərzində həddindən artıq yüksək temperaturun təsiri altında qalarsa, müəssisələr artan enerji xərcləri, əmək məhsuldarlığının azalması və dövriyyənin aşağı düşməsi kimi ciddi problemlərlə üzləşəcəklər.

Həmçinin vurğulanır ki, həddindən artıq istilər sakinlərin istehlak və turizm vərdişlərini dəyişdirərək ticarət və turizm sektorlarına daha böyük zərbə vuracaq.