Azərbaycan News Agency

Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi və Avropa Komissiyasının vitse-prezidenti Kaja Kallas Qrenlandiyanın statusu ilə bağlı qiymətləndirmələr aparıb.

Kallas bildirib: “Danimarka və Qrenlandiya ilə həmrəyliyimizi davam etdiririk”.

Qrenlandiyanın statusuna toxunan Kallas qeyd edib: “Qrenlandiya Danimarka Krallığı daxilində muxtar bir bölgədir. Bu statusda ediləcək hər hansı dəyişiklik yalnız qrenlandiyalılar və danimarkalılar tərəfindən qərara alınır”.

Beynəlxalq hüquqa vurğu edən Kallas əlavə edib: “Biz tərəfdaşlarımızdan onların suverenliyinə və ərazi bütövlüyünə hörmət göstərmələrini və xüsusilə Birləşmiş Millətlər Təşkilatının Nizamnaməsi və Şimali Atlantika Müqaviləsi olmaqla beynəlxalq öhdəliklərinə əməl etmələrini gözləyirik”.