Azərbaycan News Agency

Kanadanın Baş naziri Mark Karni Şerbruk şəhərində verdiyi açıqlamada yaşayış evlərində enerji səmərəliliyinin artırılmasına yönəlmiş yeni planı elan edib.

Karni “Daha ekoloji təmiz evlər və kanadalılar üçün daha aşağı kommunal ödənişlər” ifadələrini işlədərək daha çox kanadalının istilik nasosları əldə etməsinə və evlərində təmir-yeniləmə işləri aparmasına kömək edəcək yeni planı açıqladıqlarını bildirib.

Planın xərclərin və emissiyaların azaldılmasına töhfə verəcəyini vurğulayan Karni onun həyata keçirilməsinin hər kəs üçün daha güclü və dayanıqlı iqtisadiyyatın qurulmasına kömək edəcəyini qeyd edib.