Azərbaycan News Agency

Karni bildirib ki, İranın nüvə proqramı beynəlxalq təhlükəsizlik üçün ciddi bir təhdiddir və Kanada həmişə aydın şəkildə bəyan edib ki, heç bir halda İrana nüvə silahı hazırlamağa icazə verilməməlidir.

O qeyd edib ki, ötən gecə ABŞ-ın rəhbərliyi ilə həyata keçirilən hərbi müdaxilə bu təhdidi azaltmağa yönəlib, lakin Yaxın Şərqdə vəziyyət hələ də çox qeyri-sabit olaraq qalır.

“Regionda sabitlik prioritetdir. Kanada bütün tərəfləri dərhal danışıqlar masasına qayıtmağa və bu böhranı həll etmək üçün diplomatik çıxış yolu tapmağa çağırır. G7 liderlərinin Kananaskisdə qəbul etdiyi qərara əsasən, İranda böhranın həlli Yaxın Şərqdə, o cümlədən Qəzzədə atəşkəs də daxil olmaqla, daha genişmiqyaslı gərginliyin azaldılmasına səbəb olmalıdır.”