Azərbaycan News Agency

İsveçrənin xarici işlər naziri İqnatsio Kassis Nyu-Yorkda İranın xarici işlər naziri Abbas Əraqçi ilə görüşüb.

Kassis görüş zamanı Yaxın Şərqdəki geosiyasi tarazlığın ətraflı şəkildə müzakirə edildiyini bildirib.

İsveçrənin regionda artan gərginlikdən və bunun sülh və təhlükəsizliyə təsirindən dərin narahatlıq keçirdiyini bildirən Kassis qeyd edib ki, regionun sabitliyi İsveçrənin də sabitliyidir.

Kassis bildirib ki, onların prioritetləri gərginliyin daha da artmasının qarşısını almaq, diplomatik kanalları açıq saxlamaq və danışıqlar yolu ilə həll üçün çalışmaqdır.

Kassis İsveçrənin ehtiyac olduğu hər bir halda “xoşməramlı vasitəçilik xidmətləri” təqdim etməyə hazır olduğunu bildirərək diplomatik səylərin davam etdirilməsinin vacibliyini vurğulayıb.