Azərbaycan News Agency

İsveçrənin Xarici İşlər Naziri İqnatsio Kassis İsveçrənin qlobal səviyyədə tanınan peşə təhsili modelinin Nigeriyada tətbiqinin nəticələrini qiymətləndirib.

Kassis Nigeriyada fəaliyyət göstərən İsveçrə mənşəli Nestle və Bühler şirkətlərini ziyarət edərək, burada təhsil alan tələbələrlə onların təcrübələri barədə danışıb.

İsveçrə şirkətlərinin bu modeli Nigeriyada uğurla tətbiq etdiyini bildirən Kassis, onun yerli gənclər üzərində təsirini vurğulayıb.

Peşə təhsilinin yalnız məşğulluq layihəsi olmadığını, eyni zamanda diplomatik strategiya olduğunu qeyd edən Kassis deyib: “Peşə təhsili miqrasiya tərəfdaşlığına inteqrasiya olunub və Nigeriya gəncliyi üçün mühüm investisiyadır.”