Azərbaycan News Agency

İsrailin müdafiə naziri İsrael Kats İran məsələsində siyasi rəhbərliklə İsrail ordusu arasında fikir ayrılıqlarının mövcud olması barədə yayılan xəbərlərin tamamilə əsassız olduğunu açıqlayıb.

Müdafiə naziri vəzifəsinə başladığı vaxtdan bəri İran məsələsində Baş nazir, özü və İsrail ordusu arasında tam koordinasiyanın olduğunu bildirən Kats bu əməkdaşlığın İsrailin təhlükəsizliyi baxımından tarixi və misilsiz nəticələr verdiyini qeyd edib. Kats onların yeganə prioritetinin İsrailin təhlükəsizliyi olduğunu və bu yanaşmanın gələcəkdə də davam edəcəyini vurğulayıb.

Kats İsrailin ölkədə keçiriləcək seçkilərdən əvvəl İrana hücum başlatmaq niyyətinin qətiyyən olmadığını bildirərək, İranın İsrailə hücum edəcəyi təqdirdə güclü cavab veriləcəyinin artıq açıqlandığını xatırladıb. Mövzu ilə bağlı xəbərlərin tamamilə əsassız olduğunu müdafiə edən Kats müxalifət nümayəndələrinin bu xəbərlərdən Baş naziri və özünü tənqid etmək, həmçinin onların qərarlarını şübhə altına almaq məqsədilə istifadə etdiklərini iddia edib.